O`shanda munofiqlar va dillarida maraz bo`lganlar: «Anavilarni dini mag`rur qilib yubordi», – dedilar. Kim Allohga tavakkul qilsa, bas, albatta, Alloh g`olib va hikmatli Zotdir. Al-Anfal 8:49 ⧉
Tafsir:
Eslanglar! Munofiqlar va iymoni zaiflar: "Anavi musulmonlarni dini gʻururlantirib yubordi, dushmaniga nisbatan soni va tayyorgarligi oz boʻlsa ham gʻalabaga ishonyaptilar", dedilar. Ular bilmaydilarki, kim yolgʻiz Allohga suyansa, U Zotning madad berishi haqidagi vadasiga chin dildan ishonsa, Alloh uning madadkori va u har qancha zaif boʻlmasin, gʻalaba qozonishi muqarrar. Alloh Gʻolibdirki, Undan yuqori gʻolib yoʻq. Alloh har bir qadarini, shariatini bir hikmat bilan qiladigan Zotdir.