Agar mushriklardan birontasi panoh so`rasa, unga panoh ber, toki u, Allohning kalomini eshitsin. So`ngra, uni omonlik joyiga yetkazib qo`y. Bu, ularning bilmaydigan qavm bo`lganlari uchundir. At-Tawbah 9:6 ⧉
Tafsir:
Ey Paygʻambar, qoni va moli halol boʻlgan, yani, oʻldirilishi muboh boʻlgan mushriklardan biri sizdan himoya soʻrasa, uni himoyangizga oling. Toki, Quronga quloq solsin. Keyin uni tinch joyga yetkazib qoʻying. Chunki kofirlar bu dinning haqiqatlarini bilmaydigan qavmdir. Quronga quloq solib, ularni bilsalar, balki hidoyat topib qolarlar.