Ularning mukofotlari Robbilari huzuridagi (daraxtlari) ostidan anhorlar oqib turgan «adn» jannatlaridir. U yerda abadul-abad qolurlar. Alloh ulardan rozi bo`ldi, ular ham Undan rozi bo`ldilar. Bu, Robbidan qo`rqqanlar uchundir. Al-Bayyinah 98:8 ⧉
Tafsir:
Ularning Alloh subhanahu va taolo huzuridagi savoblari daraxtlari va qasrlari ostidan anhorlar oqib turuvchi jannatlardir. Unda abadiy qoladilar. Ular Allohga itoat qilib, iymon keltirgach, Alloh taolo ulardan rozi boʻldi va ular ham Allohning rahmatiga erishganlari tufayli Undan rozi boʻldilar. Bu rahmatga faqatgina Allohdan qoʻrqqan, Uning buyruqlarini ado etgan va taqiqlaridan tiyilgan kishilargina erishadilar.