Sura Al-Baqarah (Sigir — البقرة) (Oyat 286)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




2 Al-Baqarah(البقرة), Oyat 286

لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ 286 ٢٨٦

Alloh hech bir jonni toqatidan tashqari narsaga taklif qilmas. Foydasi ham o`z kasbidan, zarari ham o`z kasbidan. Ey Robbimiz, agar unutsak yoki xato qilsak, (iqobga) tutmagin. Ey Robbimiz, bizdan oldingilarga yuklaganga o`xshash og`irlikni bizga yuklamagin. Ey Robbimiz, bizga toqatimiz yetmaydigan narsani yuklamagin. Bizni afv et, mag`firat qil va rahim et. Sen xojamizsan. Bas, kofir qavmlarga bizni g`olib qil. (286)

Tafsir
Alloh hech kimga toqati yetmaydigan ishlarni yuklamaydi. Zero, Allohning dini osonlik, qulaylik asosiga qurilgan. Unda hech qanday mashaqqat yoʻq. Kim yaxshi ish qilsa, oʻshanga yarasha savobini oladi. Savobi zarracha kamayib qolmaydi. Kim yomon ish qilsa, unga ham oʻshanga yarasha gunoh yoziladi. Uning gunohini ham boshqa birov boʻyniga olmaydi. Paygʻambar alayhissalom va moʻminlar shunday dedilar: "Parvardigoro, biron soʻzimiz yo amalimizda beixtiyor xato qilib yo unutib qoʻysak, bizni azoblamagin. Parvardigoro, oldingi oʻtganlarga yuklaganing kabi bizga kuchimiz yetmaydigan ishlarni yuklamagin. Oʻshanda ularni - yahudlarni qilgan zulmlari tufayli azoblaganding. Bizga ogʻirlik qiladigan, toqatimiz koʻtarolmaydigan buyruq va taqiqlarni boʻynimizga qoʻymagin. Gunohlarimizni kechirgin, bizni magʻfirat qilgin, fazling ila bizga rahm etgin. Sen bizning xojamiz va madadkorimizsan. Bizni kofirlar ustidan gʻolib aylagin.

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: