Sura Ali 'Imran (Imron oilasi — آل عمران) (Oyat 195)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




3 Ali 'Imran(آل عمران), Oyat 195

فَاسْتَجَابَ لَهُمْ رَبُّهُمْ أَنِّي لَا أُضِيعُ عَمَلَ عَامِلٍ مِنْكُمْ مِنْ ذَكَرٍ أَوْ أُنْثَىٰ ۖ بَعْضُكُمْ مِنْ بَعْضٍ ۖ فَالَّذِينَ هَاجَرُوا وَأُخْرِجُوا مِنْ دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِنْ تَحْتِهَا الْأَنْهَارُ ثَوَابًا مِنْ عِنْدِ اللَّهِ ۗ وَاللَّهُ عِنْدَهُ حُسْنُ الثَّوَابِ 195 ١٩٥

Robbilari ularning (duolarini) ijobat qilib: «Men sizlardan erkagu ayol amal qiluvchining amalini zoye qilmasman. Ba'zingiz ba'zingizdansiz. Hijrat qilganlar, diyorlaridan chiqarilganlar, Mening yo`limda aziyat chekkanlar, jang qilganlar va qatl bo`lganlarning yomonliklarini o`chirurman hamda ularni albatta ostidan anhorlar oqib turgan jannatlarga kiriturman, bu — Allohning huzuridan savobdir. Va Alloh — huzurida go`zal savob bor Zotdir», dedi. (195)

Tafsir
Parvardigorlari ularning duolarini ijobat qilib dedi: "Men erkak boʻlsin, ayol boʻlsin, oz boʻlsin, koʻp boʻlsin, sizlardan biron amal qilguvchining amalini zoye qilmayman, savobsiz qoldirmayman. Biringiz biringizdansiz". Bu hukm ummat sifatida hamma barobarligini, erkakning haqi koʻprogʻu, ayolniki kamroq emasligini anglatadi. "Alloh yoʻlida hijrat qilganlar, kofirlar tarafidan yurtidan quvilganlar, Parvardigorlariga itoat etganlari tufayli ozorlarga yoʻliqqanlar, Alloh yoʻlida, Alloh kalimasini oliy qilish yoʻlida jang qilib, jon berganlarning gunohlarini Qiyomat kunida kechirib yuboraman va ularni qasrlar ostidan anhorlar oqib turadigan jannatlarga kiritaman". Bu - Alloh tarafidan ato etilgan savob-mukofotdir. Mislsiz eng goʻzal ajru savob Alloh huzuridadir".

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: