Sura Al-Ahzab (Ahzoblar — الأحزاب) (Oyat 53)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




33 Al-Ahzab(الأحزاب), Oyat 53

يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَنْ يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلَا مُسْتَأْنِسِينَ لِحَدِيثٍ ۚ إِنَّ ذَٰلِكُمْ كَانَ يُؤْذِي النَّبِيَّ فَيَسْتَحْيِي مِنْكُمْ ۖ وَاللَّهُ لَا يَسْتَحْيِي مِنَ الْحَقِّ ۚ وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ وَمَا كَانَ لَكُمْ أَنْ تُؤْذُوا رَسُولَ اللَّهِ وَلَا أَنْ تَنْكِحُوا أَزْوَاجَهُ مِنْ بَعْدِهِ أَبَدًا ۚ إِنَّ ذَٰلِكُمْ كَانَ عِنْدَ اللَّهِ عَظِيمًا 53 ٥٣

Ey, iymon keltirganlar! Nabiyning uylariga kirmang. Magar, taomga izn berilganida, uning pishishiga muntazir bo`lmaydigan bo`lib (kiring). Lekin chaqirilsangiz, kiring-da, taomni yeb bo`lishingiz bilan tarqalib keting, gapga berilib, (qolib) ketmang. Albatta, bunday qilishingiz Nabiyga ozor berur. U esa, sizlardan hayo qilardi. Alloh haq(ni aytish)dan hayo qilmaydir. Qachonki ulardan biror narsa so`rasangiz, parda ortidan so`rang. Shunday qilmog`ingiz o`z qalblaringiz uchun ham, ularning qalblari uchun ham pokroqdir. Siz uchun Rasulullohga ozor berish va undan keyin uning juftlarini nikohingizga olishingiz hech qachon mumkin emas. Albatta, bunday qilmog`ingiz Allohning nazdida katta(gunoh)dir. (53)

Tafsir
Ey Allohga iymon keltirgan va shariatiga amal qilgan moʻminlar, Paygʻambarning uylariga faqat taomga chaqirilib, sizlarga izn berilgandagina kiringlar. Taomning pishishini kutib, uzoq qolib ketmanglar. Lekin chaqirilgan paytingizda kirib, taomlanib boʻlgach, tarqalib ketinglar. Gapga berilib qolib ketmanglar. Bu ishingiz Paygʻambarga ozor beradi va u sizlarni chiqarib yuborishdan tortinadi. Alloh haqqa buyurishdan uyalmaydi. Shuning uchun sizlarga Paygʻambarga ozor bermasdan, tez chiqib ketishni buyuradi. Paygʻambar alayhissalomning ayollaridan idish kabi biron narsa soʻragan paytingizda parda ortida turib soʻranglar! Toki, ularga koʻzingiz tushmasin va Paygʻambar alayhissalomning hurmati joyiga qoʻyilsin. Mana shu sizlarning dillaringiz uchun ham, ularning dillari uchun ham pokroqdir. Toki, shayton sizlarni ham, ularni ham vasvasa qilib, yoʻldan ura olmasin. Ey moʻminlar, gapga berilib ketib, uzoq qolib ketish bilan Allohning Paygʻambariga ozor berishingiz va uning ortidan ayollariga uylanishingiz aslo mumkin emas. Zero, ular moʻminlarning onalaridir. Biron kimsaga oʻz onasiga uylanishi joiz emas. Bu ish Allohning nazdida juda ulkan gunoh hisoblanadi.

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: