Ular bu dunyo hayotini oxiratdan afzal ko`radiganlar, Allohning yo`lidan to`sadiganlar va u(yo`l)ning egri bo`lishini xohlaydiganlardir. Ana o`shalar yiroq adashuvdadirlar. Ibrahim 14:3 ⧉
Tafsir:
Kofirlar dunyo hayoti va undagi oʻtkinchi nematlarni oxirat va undagi abadiy nematlardan afzal koʻradilar. Odamlarni Allohning yoʻlidan toʻsadilar. Odamlar unga ergashib ketib qolmasin, deya uni haqdan burib yuborishga, boʻyab koʻrsatishga urinadilar. Bunday kimsalar haq va toʻgʻrilikdan ancha uzoqlab ketgan zalolatdagi badbaxtlardir.