Buning sababi, albatta, Alloh kitobni haq bilan nozil qilgan edi. Kitob xususida ixtilof qilganlar esa, tubsiz tortishuvdadirlar. Baqara 2:176 ⧉
Tafsir:
Ilm va hidoyatni yashirganlari uchun jazoga yoʻliqishlarining sababi shuki, Alloh ilohiy kitoblarni haq bilan nozil qildi. Shuning oʻzi ularni yashirmasdan yetkazishni taqozo qiladi. Ilohiy kitoblar borasida ixtilof qilib, biriga ishonib, boshqasiga ishonmaganlar haqiqatning koʻchasidan ham oʻta olmasdan, talashib-tortishish botqogʻiga botib yuraveradilar.