Allohga ichgan qasamlaringizni yaxshilik qilish, taqvo qilish va odamlar orasini isloh etishingizga to`siq qilmang. Alloh eshituvchi, biluvchi Zotdir. Baqara 2:224 ⧉
Tafsir:
Yaxshilik, taqvo va odamlar orasini isloh qilishda Allohning nomiga ichgan qasamlaringizni shu ishdan man qiladigan bir toʻsiq qilib olmang. Masalan, bir yaxshilikni qilmaslikka qasam ichgan boʻlsangiz, uni qilavering va qasamingizning kafforatini bering. Alloh aytayotgan gaplaringizni va qilayotgan ishlaringizni koʻrib, bilib, eshitib turadigan Zotdir. Yaqinda qilgan amallaringizga yarasha jazo yoki mukofot beradi.