Ey, iymon keltirganlar! Sizga rizq qilib bergan narsalarimizdan na oldi-sotdi, na oshna-og`aynichilik va na shafoatchilik yo`q Kun kelmasdan oldin nafaqa qiling. Va kofirlar — o`shalar zolimlardir. Al-Baqarah 2:254 ⧉
Tafsir:
Ey Allohga iymon keltirgan va paygʻambariga ergashganlar, qiyomat kuni kelishidan oldin sizlarga rizq qilib berganimiz halol mollardan infoq-ehson qilib qolinglar. Qiyomat kunida inson foydalanib qolishi mumkin boʻlgan oldi-sotdi ham, qiyinchilik paytida qoʻllab yuboradigan yaqin doʻst ham, zararni daf qilib, foyda keltiradigan biron vositachi ham boʻlmaydi. Faqat Allohning Oʻzi Oʻz xohish-irodasi bilan izn bergan kishigina shafoat qila oladi. Kofirlar Alloh taologa kufr keltirishlari sababli haqiqiy zolimlardir.