«Uni tobutga sol, uni esa, daryoga tashla. Daryo uni sohilga otsin. Uni Mening dushmanim va uning dushmani oladi», dedik. Va senga O`zimdan muhabbat soldim. Buni Mening ko`z oldimda yetishtirilishing uchun (qildim). Ta-Ha 20:39 ⧉
Tafsir:
Biz onaga ilhom berib, endigina tugʻilgan chaqaloqni sandiqqa solib, daryoga otishni buyurdik. Toki, daryo Bizning amrimiz ila uni sohilga eltsin. Keyin uni Mening ham, uning ham dushmani boʻlmish Firavn tutib olsin. Ey Muso, sening ustingga Oʻzim tarafimdan bir muhabbat qoʻydim. Toki, odamlar seni yaxshi koʻrib qolsinlar va Mening hifzu himoyam ostida unib-oʻsgin.