Va o`zlariga bo`ladigan manfaatlarga shohid bo`lsinlar. Ma'lum kunlarda ularga rizq qilib bergan chorva hayvonlarini (so`yishda) Allohning ismini zikr qilsinlar. Bas, ulardan yenglar va bechora va faqirlarga ham yegizinglar. Haj 22:28 ⧉
Tafsir:
Gunohlar kechirilishi, savob hosil boʻlishi va yakdillik kabi foydalar keltiradigan ishga kelsinlar. Atagan qurbonliklarini Allohning nomini aytib soʻysinlar. Bu ishlarni muayyan kunlarda, yani, Zulhijja oyining oʻninchi kuni va undan keyingi uch kunida bajarsinlar. Ularga Alloh rizq qilib bergan tuya, sigir va qoʻylar uchun shukrona sifatida qilsinlar. Bu qurbonliklardan oʻzinglar ham tanovul qilinglar, miskin-bechoralarga ham beringlar.