Ilm berilganlar esa: «Voy bo`lsin sizlarga! Iymon keltirib, solih amallarni qilganlar uchun Allohning savobi yaxshidir. Unga faqat sabr qilganlargina erishurlar», dedilar. Al-Qasas 28:80 ⧉
Tafsir:
Ilm-mafirat ato etilgan kishilar esa Qorunning zebu ziynatlariga atrofidagilarning havas qilayotganlarini koʻrib, shunday dedilar: "Sizlarga oʻlim boʻlsin! Iymon keltirib, yaxshi amal qilganlar uchun Alloh oxiratda beradigan ajr-savob va jannat Qorunning dunyoviy boyligidan yaxshiroqdir! Alloh beradigan savobni bu dunyoning zebu ziynatlaridan ustun qoʻyish yoʻlida sabr qila oladigan zotlargina bu gapni uqish va unga amal qilish baxtiga muyassar boʻladilar".