Sizlardan yaxshilikka chaqiradigan, amru ma'ruf, nahyu munkar qiladigan bir ummat bo`lsin. Ana o`shalar, o`zlari najot topguvchilardir. Ali 'Imran 3:104 ⧉
Tafsir:
Ey moʻminlar, sizlardan bir jamoa boʻlib, Alloh yoqtiradigan hamma yaxshilikka chorlasinlar. Shariat buyurgan va aql chiroyli sanagan yaxshi ishlarga buyurib, shariat qaytargan va aql nomaqul koʻrgan yomon ishlardan qaytarsinlar. Shu sifatlarga ega boʻlganlar bu dunyoda ham, oxiratda ham chin najot topguvchilardir.