Muhammad ham bir Payg`ambar, xolos. Undan avval ham Payg`ambarlar o`tgan. Agar u o`lsa yoki qatl qilinsa, orqangizga qaytasizmi?! Kimki orqasiga qaytsa, Allohga hech zarar keltira olmas. Va Alloh shukr qiluvchilarni mukofotlar. Ali 'Imran 3:144 ⧉
Tafsir:
Muhammad ham xuddi oldingi oʻtgan, vafot etgan yoki qatl qilingan paygʻambarlar kabi bir paygʻambar. Endi u oʻlsa yo qatl qilinsa, jihodni tashlab, diningizdan tonib ketaverasizmi? Kim dinidan qaytsa, Allohga hech qanday zarar yetkaza olmaydi. Zero, U kuchli, Aziz, gʻolib Zotdir. Dinidan qaytgan murtad esa dunyo va oxiratini boy berib, faqat oʻziga zarar qiladi, xolos. Alloh oʻz dinida va dini yoʻlidagi jihodda sabot bilan turadigan shukr qilguvchilarni munosib mukofotlaydi.