Har bir jon qilgan yaxshi amalini hozir topadigan va yomon amalining uzoq masofada bo`lishini istaydigan kunda. Alloh sizlarni O`z(azob)idan ogoh qiladir. Alloh bandalariga mehribon Zotdir. Ali 'Imran 3:30 ⧉
Tafsir:
Qiyomat kuni yaxshi amallar qilgan odam savobini toʻla qilib oladi, zarracha kamaytirilmaydi. Yomon amallar qilgan odam esa amallari olis-olislarda qolib ketishini orzu qilib qoladi. Ammo u paytda bunday orzuning amalga oshishiga yoʻl boʻlsin! Alloh sizlarni Oʻzidan ogohlantiradi. Gunohlar qilib, Uning gʻazabiga giriftor boʻlib qolmanglar. Alloh bandalariga Mehribon Zot. Shuning uchun ham ularni ogohlantiradi, ehtiyot boʻlishga chorlaydi.