U: «Ey Robbim, menga bashar qo`l tekkizmagan bo`lsa, qanday qilib bolam bo`ladi?!» – dedi. U zot: «Shunday, Alloh xohlaganini qiladi. Bir ishni iroda qilsa, «Bo`l!» deyishi kifoya, bo`laveradi», – dedi. Oli Imron 3:47 ⧉
Tafsir:
Maryam oʻzining ersiz bola koʻrishini aqliga sigʻdirolmay: "Biron odam haloldan ham, haromdan ham men bilan yaqinlik qilmagan boʻlsa, bola qanday boʻlsin?", dedi. Shunda unga farishta shunday dedi: "Alloh senga bir bolani otasiz yaratib bergandek, Oʻzi istagan narsasini odatdan tashqari tarzda ham yarataveradi. U bir ishni istasa, unga: "Boʻl", deydi, shu bilan u boʻlaveradi. Uning qoʻlidan kelmaydigan biron ish yoʻq".