Senga bundan boshqa ayollar halol bo`lmas va ularga boshqa zavjalarni almashtirishing ham bo`lmas. Agar o`shalarning husni seni ajablantirsa ham. Magar qo`lingda mulk bo`lgan (cho`ri) bo`lsa mumkin. Alloh har bir narsani kuzatib turguvchi Zotdir. Ahzob 33:52 ⧉
Tafsir:
Ey Paygʻambar, bundan keyin nikohingizdagi ayollaringizdan boshqa ayollarga uylanishingiz joiz emas. Garchi husni jamoli sizni maftun etsa-da, ulardan biriga uylanish uchun oʻz ayollaringizdan birini taloq qilishingiz ham halol emas. Qoʻl ostingizdagi choʻrilardan esa hech bir qaydsiz istaganingizcha foydalanishingiz mumkin. Alloh hamma narsani kuzatib turguvchidir. Bu hukm moʻminlar onalarining boshqa ayollardan fazilatliroq ekanini koʻrsatib turibdi. Zero, ularni taloq qilish ham, ularning ustiga uylanish ham man qilindi.