Ey Nabiy, juftlaringga, qizlaringga va mo`minlarning ayollariga ayt: jilboblarini o`zlariga yaqin qilsinlar. Ana o`sha ularning tanilmoqlari va ozorga uchramasliklari uchun yaqinroqdir. Alloh o`ta mag`firatli va rahimli Zotdir. Ahzob 33:59 ⧉
Tafsir:
Ey Paygʻambar, ayollaringizga, qizlaringizga va moʻmina ayollarga aytingki, ustlariga yopinchiqlarini oʻrasinlar! Toki, avratlari begona erkaklarga koʻrinmasin! Mana shu ularning hur ayol ekanini koʻrsatib turadigan va ozor chekmasliklariga sabab boʻladigan eng yaxshi vositadir. Chunki ularni choʻri degan oʻyda biron kimsa tegajogʻlik qila olmaydi. Alloh tavba qiladigan bandalari uchun Magʻfiratli va Mehribon boʻlgan Zotdir.