Alloh ko`ksini Islomga keng qilib ochib qo`ygan shaxs o`z Robbidan bo`lgan nurda emasmi?! Allohni zikr qilishdan qalblari qotib qolganlarga voy bo`lsin! Ana o`shalar ochiq-oydin zalolatdadirlar. Zumar 39:22 ⧉
Tafsir:
Alloh qalbini Islomga keng qilib qoʻygan, shu bilan hidoyat topib, Parvardigori tarafidan ato etilgan bir nur ichida boʻlgan zot qalbi Allohni eslashdan qotib qolgan kimsa bilan barobarmi? Ular hech qachon teng boʻlmaydilar. Hidoyat topganlarga najotga erishsalar, qalblari Allohni eslashdan qotib qolganlar halokat chohiga qulaydilar. Ana oʻshalar haqiqiy haq yoʻldan ozganlardir.