Va farishtalarni Arshni o`rab olib Robbilariga hamd ila tasbih aytayotgan holda ko`rursan. Ular orasida haq ila hukm qilindi va: «Olamlarning Robbi Allohga hamdu sano bo`lsin!» – deyildi. Az-Zumar 39:75 ⧉
Tafsir:
U kunda farishtalar Arsh atrofini oʻrab olib, Allohni kofirlar aytadigan nuqsonlardan poklab, U Zotga hamdu sano aytib turadilar. Alloh hamma xaloyiq oʻrtasida adolat bilan hukm qilib, izzat-ikromga sazovorlarni izzat-ikrom qiladi, azobga loyiqlarni azoblaydi. Va aytiladiki, hamma maqtovlar moʻmin bandalariga qaratilgan rahmati bilan ham, kofir bandalariga qaratilgan azobi bilan ham hamma maxluqotlarning Parvardigori boʻlgan Allohgagina xosdir.