U qavmni quvishda bo`sh kelmang. Agar alam chekayotgan bo`lsangiz, ular ham siz alam chekayotganingizdek alam chekmoqdalar. Siz esa, Allohdan ular umid qilmagan narsani umid qilmoqdasiz. Alloh biluvchi va hikmatli Zotdir. An-Nisa 4:104 ⧉
Tafsir:
Ey moʻminlar dushmaningiz kofirlarni quvishda boʻsh kelmangiz, dangasalik qilmangiz. Oʻlim va jarohatlardan qiynalayotgan boʻlsangiz, dushmaningiz ham xuddi sizdek qiynalmoqda. Ularning sabri siznikidan ortiq boʻlmasin. Chunki siz gʻanimingizdan farqli oʻlaroq, Allohdan savob, qoʻllov va gʻalaba umididasiz. Alloh bandalarining ahvolini koʻrib-bilib turadigan, har bir tadbirini, shariatini hikmat bilan qiladigan Zotdir.