Kufr keltirganlar: «Ey Robbimiz, bizni adashtirgan jin va insdan bo`lgan shaxslarni bizga ko`rsatgin, ularni oyoqlarimiz ostiga olaylik, toki, ular eng pastlardan bo`lsinlar», dedilar. Fussilat 41:29 ⧉
Tafsir:
Allohga kufr keltirib, paygʻambarlarni yolgʻonchiga chiqarganlar dedilar: "Parvardigoro, bizni yoʻldan ozdirgan insu jinlarni, kufrga chaqirgan va odamzodni nohaq qon toʻkishgacha olib borgan Iblisni bizga koʻrsat. Ularni oyoqlarimiz bilan yanchaylik. Toki, ular doʻzax ahlining eng tubida boʻlib, eng qattiq azobga giriftor boʻlsinlar".