Ayting-chi, havoyi nafsini iloh qilib olgan, Alloh uni bilib turib zalolatga solgan va qulog`iga hamda qalbiga muhr bosib, ko`ziga parda tortib qo`ygan kimsani Allohdan boshqa kim hidoyat qila oladir?! Eslamaysizlarmi?! Al-Jathiyah 45:23 ⧉
Tafsir:
Ey Paygʻambar, havoyi nafsiga ergashib, uni xuddi mabuddek koʻradigan kimsaga bir qarang. Alloh uni bilgan holida adashtirib qoʻygan. U oʻzi adashtirilishga loyiq boʻlgan. Uning qulogʻi va qalbini muhrlagan. Endi uning qulogʻiga foydali gaplar kirmaydi. Alloh uning koʻziga parda tortib qoʻygan. Endi u haqni koʻra olmaydi. Alloh adashtirib qoʻyganidan keyin endi unga kim ham tavfiq bera olardi?! Bas, havoyi nafsga ergashishning zararlarini, Allohning shariatiga ergashishning foydalarini koʻrib, ulardan ibrat olmaysizlarmi?