Qalblarida kasallik borlarning «Zamon aylanib bizga musiybat yetishidan qo`rqamiz» deb, ular tomon shoshilganini ko`rasan. Shoyadki, Alloh fathu nusrat bersa yoki O`z tomonidan biron ish ato qilsayu o`zlaricha sirlashgan narsalariga nadomat qilsalar. Al-Ma'idah 5:52 ⧉
Tafsir:
Ey Paygʻambar alayhissalom, koʻrasizki, iymoni zaif munofiqlar "Ular gʻolib boʻlib, davlat ularning qoʻliga tegib qolsa, bizga bir zarar yetkazishlaridan qoʻrqamiz", deya yahudiy va nasroniylar bilan doʻst boʻlishga oshiqadilar. Ehtimol gʻalabani Alloh Oʻz Paygʻambari va moʻminlarga berar yoki Oʻz tarafidan yahudiy va ularga doʻst boʻlganlarning shavkatini sindiradigan boshqa bir ishni olib kelar. Shu bilan ular bilan doʻst boʻlishga oshiqayotganlar dillarida yashirgan munofiqliklariga afsus-nadomat chekib qolarlar. Chunki ular tayanayotgan sabablar oʻta zaif va yaroqsizdir.