Ey, iymon keltirganlar! Alloh sizga halol qilgan pok narsalarni harom qilmang. Haddingizdan oshmang. Albatta, Alloh haddidan oshuvchilarni sevmas. Moida 5:87 ⧉
Tafsir:
Ey iymon keltirganlar, yemishlar boʻladimi, ichimliklar boʻladimi, ayollar boʻladimi, sizlarga muboh qilingan yoqimli, lazzatli narsalarni zohidlik yoki xudojoʻylik qilib oʻzingizga harom qilmangiz. Alloh sizlarga harom qilib qoʻygan ishlarda haddingizdan oshmangiz. Alloh Oʻzi belgilab qoʻygan hadlardan oshgan kimsalarni yoqtirmaydi, aksincha, yomon koʻradi.