Dengiz ovi va uning taomi sizga va sayr qiluvchilarga halol qilindi. Modomiki, ehromda ekansiz, sizga quruqlik ovi harom qilindi. Huzurida to`planadiganingiz Allohga taqvo qiling. Al-Ma'idah 5:96 ⧉
Tafsir:
Alloh muqimlarga ham, musofirlarga ham suv hayvonlarini ovlashni hamda suvdan tashqariga chiqib qolgan tirik yo oʻlik suv hayvonlarini halol qildi. Toki, ularga manfaatli boʻlsin. Modomiki, haj yo umra uchun ehrom bogʻlagan ekansizlar, sizlarga quruqlik ovini harom qildi. Allohdan buyruqlarini bajarish va taqiqlaridan tiyilish bilan taqvo qilinglar. Qiyomat kuni yolgʻiz U Zotning dargohiga qaytasizlar. Oʻshanda qilgan amallaringizga yarasha jazo yoki mukofotingizni beradi.