Sizning xurmoni kesganingiz yoki aslida tik qoldirganingiz, faqat, Allohning izni bilan va buzg`unchilarni xorlashi uchun bo`ldi. Al-Hashr 59:5 ⧉
Tafsir:
Ey moʻminlar jamoasi, sizlar gʻazotda Allohning dushmanlari boʻlmish Banu Nazirni gʻazablantirish uchun xurmolarni kesdingizlarmi yoki oʻzlaringiz foydalanishingiz uchun kesmasdan qoldirdingizlarmi, hammasi Allohning amri bilan boʻldi. Ular malomat qilganlariday yer yuzida buzgʻunchilik qilish uchun emas. Ayni paytda bu ish ahdlarini buzgan, vafo yoʻli qolib, xiyonat yoʻlini tanlagan hamda Allohga itoat etishdan yuz oʻgirgan yahudiylarni xor qilish uchun ham boʻlgan.