Va chorvalardan hammollarini va (so`ygani) yerga yotqaziladiganlarini paydo qildi. Alloh sizga rizq qilib bergan narsalardan yenglar va shaytonning izidan ergashmanglar. Albatta, u sizlarga ochiq-oydin dushmandir. Al-An'am 6:142 ⧉
Tafsir:
Alloh sizlarga hayvonlardan katta tuyalar kabi yuk koʻtara oladiganini ham, kichik tuya va qoʻylar kabi ustiga yuk ortib boʻlmaydiganlarini ham yaratdi. Ey odamlar, Alloh sizlarga rizq qilib bergan bu nematlardan bahramand boʻlinglar, tanovul qilinglar. Shaytonning izidan borib, mushriklarga oʻxshab, Alloh harom qilgan narsani halol, Alloh halol qilgan narsani esa harom qilib yurmanglar. Ey odamlar, shayton sizlarga ochiqdan-ochiq dushmandirki, uning maqsadi sizlarni Allohga gunoh qildirishdir.