Agar seni yolg`onchiga chiqarsalar: «Robbingiz keng rahmat sohibidir, ammo Uning azobi jinoyatchi qavmlardan qaytarilmas», – deb ayt. An'om 6:147 ⧉
Tafsir:
Ey Paygʻambar, Parvardigoringiz tarafidan olib kelgan xabaringizga ishonmasdan, sizni yolgʻonchiga chiqaradigan boʻlsalar, ularni qiziqtirish uchun shunday deb ayting: "Parvardigoringiz bepoyon marhamat sohibidir. Sizlarga tez azob yubormasdan, muhlat berib turgani ham oʻsha marhamatining bir koʻrinishidir". Endi ularni ogohlantirib shunday deb ayting: "U Zotning azobini gunohu masiyatlar sodir etgan qavmdan hech kimsa daf qila olmas".