Allohning huzurida to`xtatilganlarida, U: «Mana shu haq emasmi?!» – deganida, «Robbimizga qasamki, haqdir», deganlarini, U: «Bas, kufr keltirganingiz uchun azobini cheking», deyishini ko`rsang edi. Al-An'am 6:30 ⧉
Tafsir:
Ey Paygʻambar, qayta tirilishni inkor qiladiganlar Parvardigorlari huzurida turgʻizib qoʻyilganlarida qiziq bir manzaraning guvohi boʻlasiz. Oʻshanda Alloh ularga: "Mana, sizlar yolgʻonga chiqarayotgan bu qayta tirilish shak-shubhasiz rost ekanmi?!", deydi. Ular: "Bizni yaratgan Rabbimizga qasamki, ha, shak-shubhasiz haq ekan", deydilar. Shunda Alloh ularga: "Mana endi shu kunni inkor qilganingiz uchun azobni totingiz, dunyo hayotida bu kunni yolgʻon degandingiz", deydi.