Qarindoshlaringiz va farzandlaringiz sizga hech manfaat bera olmaslar. Qiyomat kuni U zot oralaringizni bo`ladir. Alloh nima qilayotganingizni ko`rib turguvchidir. Mumtahana 60:3 ⧉
Tafsir:
Qarindoshingiz yoki farzandingiz boʻlgani tufayli kofirlar bilan doʻst boʻlsangizlar, oʻsha qarindoshlaringiz ham, farzandlaringiz ham hargiz foyda bermaydi. Qiyomat kuni Alloh oralaringizni ajratib qoʻyadi. Jannatiylar jannatga, doʻzaxiylar doʻzaxga kiradi. Biri biriga asqotmaydi. Alloh qilayotgan ishlaringizni koʻrib turguvchi Zotdir. U Zotdan biron ishingiz maxfiy qolmas. Yaqinda amallaringizga yarasha jazo yoki mukofotingizni berur.