Ey, iymon keltirganlar! Mollaringiz va bolalaringiz sizni Allohning zikridan chalg`itmasin. Kim shunday qilsa, bas, ana o`shalar yutqazganlardir. Munofiqun 63:9 ⧉
Tafsir:
Ey Allohga iymon keltirib, shariatiga amal qiladigan zotlar, mol-davlatlaringiz va bola-chaqalaringiz sizlarni namoz kabi Islom buyurgan farzlarni ado etishdan chalgʻitib qoʻymasin. Kim mol-davlati va bola-chaqasi bilan band boʻlib, namoz va boshqa farzlardan chalgʻisa, ularni ado etmasa, bas, ana oʻshalar Qiyomat kuni oʻzlarini ham, oilalarini ham qoʻldan boy bergan haqiqiy zarar koʻrguvchilardir.