Va unga o`zi o`ylamagan tarafdan rizq berur. Kim Allohga tavakkal qilsa, bas, unga U zotning O`zi kifoyadir. Albatta, Alloh O`z ishini yetkazuvchidir. Haqiqatan, Alloh har bir narsaga o`lchov qilib qo`ygandir. Taloq 65:3 ⧉
Tafsir:
Va uni xayoliga ham kelmagan tarafdan rizqlantiradi. Kim oʻzining ishlarida Allohga tayansa, Allohning Oʻzi unga kifoya qiladi. Alloh Oʻzi istagan ishni bajara oladigan Zotdir. Uning Qoʻlidan kelmaydigan ish yoʻq. Biron narsani oʻtkazib yubormaydi. Alloh har bir narsaga bir miqdor tayin qilib qoʻygan. Qiyinchilikning ham bir miqdori bor, osonlikning ham. Ulardan biri ketib, biri kelib turadi. Bittasi tinimsiz davom etavermaydi.