Rizqi keng kengligidan nafaqa qilsin. Kimning rizqi tor bo`lsa, unga Alloh berganidan nafaqa qilsin. Alloh har bir nafsni O`zi berganidan ortiqchaga taklif qilmas. Alloh qiyinchilikdan so`ng tezda osonlikni berur. Taloq 65:7 ⧉
Tafsir:
Kim badavlat boʻlsa, taloq qilgan xotiniga ham, bolasiga ham boyligidan nafaqa bersin. Kimning rizqi tang qilib qoʻyilgan boʻlsa, Alloh unga ato etganidan nafaqa bersin! Alloh hech bir jonni Oʻzi unga ato etganidan ortiq narsaga taklif qilmas. Alloh ogʻirlikdan keyin yengillikni, tanglikdan keyin kenglikni barpo qilur.