Muso o`z qavmiga: «Allohdan yordam so`ranglar va sabr qilinglar. Yer Allohniki, uni bandalaridan kimni xohlasa, o`shanga meros qilib beradir. Va oqibat taqvodorlarnikidir», – dedi. Al-A'raf 7:128 ⧉
Tafsir:
Muso qavmiga yoʻl koʻrsatib, tavsiyalar berib, shunday dedi: "Ey qavmim, zararni daf qilishda ham, foydani jalb qilishda ham madadni yolgʻiz Allohdan soʻrangiz. Kelayotgan balolarga sabr qilingiz. Zero, zamin Firavnniki ham, boshqaniki ham emas, yolgʻiz Allohnikidir. Alloh Oʻz irodasi bilan uni odamlar orasida qoʻlma-qoʻl qilib turadi. Lekin yer yuzidagi oqibat boshiga tushgan baloyu ofatlarga sabr qilib, Allohning buyruqlarini bajaradigan va taqiqlaridan tiyiladigan moʻminlarnikidir".