Bu, senga u ila ogohlantirishing uchun va mo`minlarga eslatma etib nozil qilingan kitobdir. Ko`nglingda undan tanglik bo`lmasin. Al-A'raf 7:2 ⧉
Tafsir:
Ey Paygʻambar, Quroni karim sizga nozil qilingan kitobdir. Undan koʻnglingiz toʻq boʻlsin. Qalbingizda unga nisbatan zarracha shubha, torlik qolmasin. Alloh uni sizga odamlarni ogohlantirishingiz, u bilan hujjatni barpo qilishingiz, moʻminlarga eslatmalar berishingiz uchun nozil qildi. Zero, eslatmalardan faqat moʻminlargina foydalana oladilar.