Kufr keltirganlar bir-birlariga valiydirlar. Agar (mazkur narsani) qilmasangiz, yer yuzida fitna va katta fasod bo`ladir. Anfol 8:73 ⧉
Tafsir:
Allohga kufr keltirganlarni kufr birlashtirib turadi. Bir-birlarini qoʻllab-quvvatlaydilar. Moʻmin ular bilan doʻst boʻlmaydi. Agar sizlar moʻminlarga doʻst, kofirlarga esa dushman boʻlmasangizlar, fitna va fasod yuz berib, moʻminlar himoyasiz qoladilar va kofirlar odamlarni Allohning yoʻlidan bemalol toʻsadigan boʻladilar.