Ulardan, biron sura nozil qilingan vaqtda: «Bu sizdan kimning iymonini ziyoda qildi?» – deydigan kimsalar bor. Bas, iymon keltirganlarning iymonini ziyoda qildi va ular shodu xurram bo`ldilar. At-Tawbah 9:124 ⧉
Tafsir:
Paygʻambar alayhissalomga biron sura nozil qilinganda munofiqlardan ayrimlari mazax, masxara qilib: "Muhammadga nozil qilingan bu sura qaysi biringizning iymonini ziyoda qildi?", deydilar. Bu sura Allohga iymon keltirgan, paygʻambarini tasdiq etgan zotlarning iymonini ziyoda qildi va ular vahiy tushganidan xursand boʻldilar. Chunki ular vahiyda oʻzlarining bu dunyolari uchun ham, oxiratlari uchun foyda borligini biladilar.