Batahqiq, bundan avval ham, toki ular yoqtirmasalar-da, haq kelib, Allohning ishi ustun bo`lgunicha, fitna qo`zib, senga ishlarni ag`dar-to`ntar qilishar edi. Tavba 9:48 ⧉
Tafsir:
Ey Paygʻambar, anavi munofiqlar ilgari Tabuk gʻazotida ham moʻminlarni tafriqaga solib, parchalab tashlashga uringanlar va turli nayranglarni qoʻllab, ishlaringizni parokanda qilmoqchi boʻlganlar. Ularning nayranglari jihod haqidagi qatiyatingizga tasir qilib qolishi mumkin edi. Lekin oʻsha paytda Alloh sizni qoʻllab-quvvatlab, nusrat berdi, dinini gʻolib, dushmanlarini esa magʻlub etdi. Tabiiyki, ularga bu yoqmadi. Chunki ular botilning haq ustidan gʻolib boʻlishini istardilar.