Munofiq erkaklar va munofiq ayollar hammalari birdirlar, yomonlikka buyururlar, yaxshilikdan qaytarurlar va qo`llarini mahkam yumarlar. Allohni unutdilar, bas, U ham ularni unutdi. Albatta, munofiqlar — ular fosiqlardir. Tavba 9:67 ⧉
Tafsir:
Erkak boʻlsin, ayol boʻlsin, munofiq munofiqdir. Munofiqlar moʻminlarning aksi oʻlaroq, yomonlikka buyuradilar, yaxshilikdan qaytaradilar va mol-dunyolarini Allohning yoʻlida sarflashga baxillik qilib, qoʻllarini mahkam yumib oladilar. Ular Allohga itoatni tashlab yuborgandilar. Natijada Alloh ham ularga tavfiq berishni tark etdi. Munofiqlar Allohga toat qilishdan bosh tortgan, haq yoʻldan ozgan, zalolat yoʻliga kirib qolgan fosiqlardir.