Va hech qachon ulardan o`lgan birortasiga ham (janoza) namoz o`qima, qabri ustida turma. Chunki, ular Allohga va Uning Rasuliga kufr keltirdilar hamda fosiq hollarida o`ldilar. At-Tawbah 9:84 ⧉
Tafsir:
Ey Paygʻambar, munofiqlardan birontasi oʻlsa, zinhor uning janozasini oʻqimang va qabri ustida duo qilib, magʻfirat soʻrab turmang! Chunki ular Alloh va Uning Paygʻambariga kufr keltirdilar va fosiq hollarida, Allohga itoatsizlik qilgan hollarida oʻldilar. Bunday holda oʻlim topgan kimsaga janoza ham oʻqilmaydi, uning haqqiga duo ham qilinmaydi.