A'robiylardan uzr aytuvchilar ularga izn berilishini so`rab keldilar. Allohga va Rasuliga yolg`on gapirganlar esa, o`tirib qoldilar. Ulardan kofir bo`lganlarga alamli azob yetadir. Tavba 9:90 ⧉
Tafsir:
Madina va uning atrofidagi arobiylardan ham bir qavm Paygʻambar alayhissalomning oldiga kelib, jihodga chiqmaslikka izn soʻradilar. Boshqa qavmlar esa uzr ham soʻrab oʻtirmasdan jangga chiqmadilar. Chunki ular Paygʻambar alayhissalomning haqligini tan olmadilar, Allohning vadasiga ishonmadilar. Yaqinda ular kofirligi tufayli alamli azobga yoʻliqadilar.