A'robiylardan qilgan infoqni ziyon deb biladigan va sizga balo-ofat kelishini kutib turadiganlari ham bor. Yomon balolari o`zlariga ursin! Alloh eshitguvchi va bilguvchi Zotdir. At-Tawbah 9:98 ⧉
Tafsir:
Sahroyi munofiqlar orasida Alloh yoʻlida qilgan sadaqasini zarar deb biladiganlari ham bor. Chunki ular sadaqa uchun ajr olishiga ham, sadaqa qilmagani uchun jazolanishiga ham ishonmaydilar. Shunday boʻlsa-da, gohida riyo uchun yoki qoʻrqqanlaridan sadaqa berib turadilar. Keyin esa, ey moʻminlar, sizlarga biron balo-ofat yetib, sizlardan qutulib qolish payida boʻladilar. Qilayotgan badniyatlari oʻzlariga ursin! Alloh ular aytayotgan gaplarni eshitguvchi, dillaridagi niyatlarini bilguvchi Zotdir.