Sura Al-Anfal (O‘ljalar — الأنفال) (Oyat 75)

Quyidagi qidiruv vositasidan foydalanib, ma’lum bir suradan bir yoki bir nechta tanlangan oyatlarni va ularning siz tanlagan tildagi tarjimasini ko‘ring.




8 Al-Anfal(الأنفال), Oyat 75

وَالَّذِينَ آمَنُوا مِنْ بَعْدُ وَهَاجَرُوا وَجَاهَدُوا مَعَكُمْ فَأُولَٰئِكَ مِنْكُمْ ۚ وَأُولُو الْأَرْحَامِ بَعْضُهُمْ أَوْلَىٰ بِبَعْضٍ فِي كِتَابِ اللَّهِ ۗ إِنَّ اللَّهَ بِكُلِّ شَيْءٍ عَلِيمٌ 75 ٧٥

Keyin iymon keltirib, hijrat qilgan va sizlar bilan jihod qilganlar ham sizlardandir. Allohning kitobida qarindoshlar bir-birlariga haqliroqdirlar. Albatta, Alloh har bir narsani bilguvchi Zotdir. (75)

Tafsir
Ey moʻminlar, Islomga dastlab kirgan muhojir va ansorlardan keyin iymon keltirib, kufr yeridan Islom diyoriga hijrat qilib, Alloh kalimasini oliy qilish, kufrni esa mahv etish yoʻlida jihod qilganlar, ana oʻshalar sizlardandir. Ularning huquqlari sizlarniki bilan barobar. Majburiyatlari ham aynan sizlarniki kabidir. Allohning hukmida meros masalasida iymondoshlardan koʻra qondoshlar haqliroqdirlar. Iymon va hijrat asosida yaqin boʻlganlar dastlab bir-birlaridan meros olardilar. Alloh har bir narsani koʻrib-bilib turadi. Hech narsa U Zotdan yashirin boʻla olmas. Bandalariga nima kerakligini Oʻzi yaxshi biladi va shunga qarab shariat tuzadi.

Shuningdek, quyida taqdim etilgan aqlli qidiruv funksiyasidan foydalanishingiz mumkin


📖 Siz izlayotgan bo‘lishi mumkin bo‘lgan o‘xshash sura nomlari: