Alloh rizqda ba'zingizni ba'zingizdan afzal qildi. Bas, afzal qilinganlar o`z rizqlarini qo`llarida mulk bo`lganlarga, hamma teng bo`lsin deb, beruvchi emaslar-ku. Allohning ne'matini inkor qiladilarmi?! An-Nahl 16:71 ⧉
Tafsir:
Alloh Oʻzi ato etgan rizq borasida ayrimlaringizni ayrimlaringizdan ustun qilib, sizlarni boy-kambagʻalga, xoja-qulga ajratdi. Alloh ustun qilgan boy, xojalar mulkini qullariga qaytarib, hammalari barobar boʻlib olmaydilar-ku. Shunday ekan, qanday qilib Allohning bandalar orasida sheriklari boʻlishiga koʻnadilar. Oʻzlari qullarini sherik qilishni istamaydilar-ku. Bu naqadar katta zulm! Allohning nematlariga bundan ortiq nonkoʻrlik boʻlishi mumkinmi?!