Har bir ummatga o`zidan guvoh olib kelgan kunimizda seni anavilarga (ummatingga) guvoh qilib keltiramiz. Senga Kitobni har bir narsani bayon qiluvchi etib, musulmonlarga hidoyat, rahmat va xushxabar qilib nozil etdik. An-Nahl 16:89 ⧉
Tafsir:
Ey Paygʻambar, eslang! Qiyomat kuni har bir ummatga qilib oʻtgan kufr yoki iymonlariga guvohlik beradigan bir guvoh keltiramiz. U oʻzlaridan boʻlgan, oʻzlarining tilida gapiradigan bir paygʻambar boʻladi. Ey Paygʻambar, sizni esa hamma ummatlarga guvoh qilamiz. Sizga Quronni halol-harom, savob-gunoh kabi barcha zarur narsalarning, ishlarning bayoni etib, odamlarni haq sari boshlaydigan hidoyat etib, iymon keltirib, yaxshi amallar qilganlar uchun rahmat etib, moʻminlarga oxiratdagi nematlar haqidagi xushxabar etib nozil qildik.