Sizga o`z Robbingizdan fazl istashingizda gunoh yo`qdir. Arafotdan qaytib tushganingizda, Allohni Mash'arul Haromda zikr qiling. Ilgari adashganlardan bo`lsangiz ham, sizni hidoyatga boshlagani uchun Uni zikr qiling. Al-Baqarah 2:198 ⧉
Tafsir:
Haj mavsumida tijorat yoki boshqa yoʻl bilan rizq talabida tirikchilik qilsanglar, gunoh yoʻq. Zul-hijjaning toʻqqizinchi kuni Arafotda turib, oʻninchiga oʻtar kechada Muzdalifaga qarab tusha boshlaysizlar. Muzdalifadagi Masharul-Haromda tasbeh, tahlil va duolar bilan Allohni zikr qilinglar. Ilgari Allohning shariatidan bexabar boʻlganinglarni, keyin esa Parvardigorning Oʻzi sizlarga diniga oid talimotlarni bergani va haj ibodatlarini oʻrgatganini eslanglar.