Sadaqani oshkora qilsangiz, qandoq ham yaxshi. Agar maxfiy qilsangiz va faqirlarga bersangiz, bu siz uchun yaxshidir. Sizdan gunohlaringizni yuvadir. Va Alloh qilayotgan amallaringizdan xabardordir. Baqara 2:271 ⧉
Tafsir:
Qilayotgan sadaqangizni oshkora qilsangiz, qanday yaxshi. Uni yashirib kambagʻallarga bersangiz, oʻzingiz uchun yanada yaxshi. Chunki ixlosga yaqinroq boʻladi. Ixlos bilan qilingan sadaqalar gunohlarning yashirilishi va kechirilishiga sabab boʻladi. Alloh qilayotgan ishlaringizdan xabardordir. Biron holatingiz U Zotdan yashirin emas.