Alloh riboni doimo nuqsonga uchratur va sadaqalarni ziyoda qilur. Va Alloh har bir kofir, gunohkorni xush ko`rmas. Al-Baqarah 2:276 ⧉
Tafsir:
Alloh sudxoʻrlik bilan topilgan boylikni barbod qiladi. Bevosita oʻsha boylikning oʻziga talafot yetkazishi ham mumkin yoki bilvosita undan barakani olib qoʻyishi ham mumkin. Ixlos bilan qilingan sadaqalarni esa savobini moʻl qilish bilan oʻstiradi, koʻpaytiradi. Bir yaxshilikning savobi oʻn barobardan yetti yuz barobargacha koʻp boʻladi. Shu bilan birga Alloh sadaqa qiluvchilarning mol-dunyosiga baraka beradi. Alloh gunohlar loyiga botib, haromni halol qilib oladigan sarkash kofirni yaxshi koʻrmaydi.